ردود فعل أسرة رامي جمال بعد إصابته بمرض البهاق

حالة من الحزن الشديد سيطرت على الوسط الفنى، بعد إعلان رامي جمال عن إصابته بمرض البهاق، وبالأخص على أهل الفنان رامي جمال، محاولين بشتي الطرق دعمه نفسيا ومحاوله التخفيف من إكتئابه.

تحدث شقيقه الأكبر محمد جمال عن رامي جمال، عبر صفحته الشخصية على مواقع التواصل الاجتماعي "الفيسبوك" قائلا:"أنا فخور بكل اعمالك وفنك وفخور بشخصك وطيبة قلبك وانك بعد كل المشوار ده ونجوميتك ماتغيرتش مع حد ولا اتكبرت على حد ولسه حتى بتنام وتصحى بدري زي زمان وانت صغيرمبسوط انك قررت تتكلم وتطلع اللي جواك وتواجه التغيرات اللي مش على مزاجك ومبسوط انك مخبتش حاجة ومش في دماغك".

وأكمل شقيقه: "انا حاسس بيك عشان عارف قلبك وطريقة تفكيرك وان عقلك مابيبطلش تفكير وشايف انك قوي وده اللي مخليك مكمل رغم كل الصعوبات اللي واجهتها ولسه بتواجهها، يمكن ناس كتير فاكرة ان الفنان حياته سلسه وكلها هزار وضحك وفلوس وحفلات ودي حاجة بعيدة جدا عن الحقيقة، من زمان فيه مشاكل وهايفضل فيه مشاكل عندي وعندك وعند احمد زي ما كان بابا وماما عندهم مشاكل دي طبيعة الحياة، يمكن يا روكا حياتنا فيها مطبات كتير اوي بس عشان احنا طيبين وعندنا اصرار وبنحب الخير لأي حد فا كله بيعدي والدنيا بتمشي، انت فنان مختلف وكبير والسي في بتاعك يكفي عشر فنانين جداد يعملو بيه اسم"

واختتم شقيقه قائلا: " موضوع انك تبطل مش خيار ليك ومش بمزاجك عشان انت عمود من اعمدة المزيكا في الوقت الحالي وليك حتتك المختلف فيها زي باقي الفنانين المتواجدين حوالينا دلوقتي، انت مكمل عشان ده مصيرك وشغلتك وحياتك وتعبك، البومك الجاي هايحطك في مكانك الصحيح رغم المطبات العجيبة اللي حصلت، ولو اطول اخد منك الكام بقعة اللي مزعلاك دي اخدها والله لو بايدي اخدهاوالله ياسيديوهاتروح لو روقت بالك وسيبتها ومديتلهاش اهتمام واتعاملت انها واقع زي مابتعمل انت دلوقتيرغم انك اسوأ لاعيب بلايستيشن ولعبك حقير وتكسير وعرقلة من الخلف في الانفرادات بس بحبك وانا معاك وكلنا معاك وفي ضهرك يا توربيني".

وفي سياق متصل كتب شقيقه أحمد علي عبر صفحته الشخصية "الفيسبوك"،:مش لاقي كلام بس اكيد ربنا هيعوضك على اللي قولته ده واللي مقولتوش كمان ربنا ميحرمنيش منك ويشفيك ويخليك ليا ولياسين ولكل حبايبك دعواتكم لرامي أبو قلب مفيش زيه".

كما كتبت ناريمان زوجة الفنان رامي جمال على خبر من خلال خاصية الستوري عبر صفحتها الشخصية بموقع الصور والفيديوهات الشهير "انستجرام"، وكتبت: "أعتقد بعد كل طاقة الحب اللي شوفتها دي مش محتاج كلام تاني".

وكان قد كتب رامي جمال عبر حسابته الشخصية : "الحمد لله الذي أحبني فابتلاني وقدرني على الصبر، من فترة ظهرت بقع بيضاء في جسمي، وبالكشف عرفت إنه مرض البهاق، وجربت أنواع علاج كتير، ودكاترة كتير، ومفيش فايدة، رضيت وسلمت أمري لله عشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل، وفعلًا بقى بيزيد لدرجة لفتت نظر ناس كتير.

وأكمل رامي جمال: اللي بقى يقوللي هتتعامل إزاي وأنت فنان، واللي يخاف يسلم عليا، واللي يسألني هو ده معدي، أنا بقالي سنة فعلًا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كدة، وفكرت في كلامهم بصراحة".

وأختتم رامي : "لاقيت إن عندي حلين يا فعلًا شكرًا لحد كدة على الشغلانة دي، رغم حبي ليها، وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".

ونال العديد من التعليقات التي جاءت كالآتي "انت انسان و فنان راقي و كلنا نحبك ، ربنا يشفيك يارامي ده مش حاجه اصلاً ده الصداع أصعب منه ياخويا الناس كلها بتحبك وكل ماتشوفني أحمد ربنا وأعرف انك في نعمة، كمل و اعمل اللي بتحبه و احنا معاك و في ظهرك ، حبيبي يا رامي انت اقوي من اي حاجه وفنان و موهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس ربنا يخليلك ناريمان بالدنيا".

"مايكل جاكسون أصيب بالبهاق".. تامر حسني يحفز رامي جمال