استنكر الفنان حسن بلبل، حالة اللا وعي الموجودة في أوساط المجتمع المصري، متابعاً بقوله: " ما شاء الله 100 مليون خبير مصري، الدولة كلها بقت خبراء"، مبدياً تعجبه من إدعاءات القائلين بأن هناك مشروعات أولى من العاصمة الإدارية الجديدة، حيث يقولون: " احنا مش فاهمين بيعمل لنا ليه عاصمة إدارية، كان بنى مستشفيات كان بنى مدارس كتيرة عشان العيال عايزة تتعلم".
وتابع:" ومن يلاحظ جيداً سيجد أن هناك العديد من المدارس والمستشفيات التي تم بناؤها وبتكاليف رهيبة، معقباً: "لو عملت بحث برده في نفس المدارس هاتلاقيها كتيرة اللي أطفالنا الحلوين بيهربوا منها ومبيروحوش، وطبعا ماتقوليش دي ثقافة دولة، دي ثقافة شعب وثقافة تربية للطفل، ولما فكروا يعملوا العاصمة الإدارية أظن ماتبنتش لوحدها، يعني مافيش عاصمة إدارية بكل الحاجات التحفة اللي فيها اتبنت لوحدها كده، لا أكيد كان في نفسي بتبني كان في مهندسين كان في عمال، العاصمة الإدارية شغلت في حدود حوالي 3.5 مليون واحد مكنوش لاقيين شغل، الناس دي كمان مكنوش لاقيين مكان للسكن، الناس دي اشتغلت في كل المشروعات اللي اتعملت في العاصمة الإدارية، يعني 3.5 مليون واحد شوفوا فتحوا كام بيت".
وواصل:" في فترة الأمطار اللي حصلت في مصر الجديدة ومدينة نصر، كانت البلد كلها غرقانة، قالك شوفوا مش عارفين يعملوا ايه في المجاري والصرف، برغم إن في دول كتير في أوروبا كانت غرقانة نفس الغرقان، ورغم إن كان في دول كتيرة زي قطر وغيرها كانت برده غرقانة ومش عارفين يتصرفوا، ليه الفترة اللي قبل كدة البنية التحتية اللي عملوها لعدد معين من السكان، ماكنش عددنا 100 مليون لشبكة الصرف اللي تحت دي".
تابعوا أخبار بلدنا اليوم على Google News
