"خد التورتة وخلع" القصة الكاملة لحكاية مصطفى أبو تورتة

هروب الشاب "مصطفي" الذي اشتهر بـ"مصطفى ابو تورته" يوم حفل خطوبته، قصة انتشرت سريعًا عبر مواقع التواصل الاجتماعي المختلفة.

وسخر النشطاء والمغردين من تفاصيل القصة واستخدمتها صفحات السوشيال ميديا كنوع من أنواع من الكوميكس الساخرة، وتفاعل العديد من رواد مواقع التواصل الإجتماعي مع تلك القصة.

وبدأت القصة مع "نهال" تؤكد فعل خطيبها بتركها في ليلة الخطوبة، وحيدة في حفل الزفاف وبدون أن يقدم لها الشبكة، بحجة مرض خاله، وتفاعل عدد كبير من رواد مواقع التواصل الأجتماعي، وتعاطف العديد من الفتيات مع "نهال" معبرين عن غضبهم الشديد حول موقف هذا الشاب.

وتحكي نهال شعبان الفتاة التي أثارت الجدل، القصة كاملة قائلة: "حكاية مصطفى تورتة واخيرا فهمت الحكايه وحسبي الله ونعم الوكيل طيب مش عادتى اتكلم واحكى عن حياتى الشخصيه على الفيس ..بس الى حصلى مش شوية فمضطرة اتكلم عشان متعبش..انا كان مقرى فتحتى زى ما كله عارف على مصطفى و خطوبتى كانت يوم السبت اللي فات مفروض هههه كان بينا مشاكل زى اى اتنين عاديين مع مامته بقى و خلافات بتحصل اول ما اطلب حاجةو قولت دا عادى بيحصل بس الى متخيلتش انه يحصل انه يسبينى فى القاعه لوحدى

اه والله xD اتفاجئت انه مش عازم صحابه ولا قاريبه كلهم وحسيت ف حاجة غلط حتى مامته واخته مفيش وحده فيهم جت بركتلى وقولت امشى اليوم.. كل ما اقوله فين الشبكه اللي حنلبسها يقولى اصل اتكب عليها شربات اصل وقع جاتوه عليها ..طب خليها بعد البوفيه وكلام كله غريب كدا لحد ما دخلنا بعد البوفيه لقيت اهله كلهم مشيوااا و قال ايه خالوا تعب ! ف يقوم اهله كلهم يمشوا ونا ف القاعه لوحدى بدور عليه الاقيه بيصرخ برا و يقول خالى عيان و بيطلم وحاجات غريبه كدا ونا اقسم بالله ما مستوعبه الى بيحصل هو ف واحد خاله عياااان عليته كلها بتمشى !الستات اختفو بس كانو بيهزروا فوق نسوا العيان.

والانيل اننا اكتشفنا انهم اخدوا التورت معاهم طب مش خالك عيان ...اخدتوا التورت معاكم و ملبسنيش شبكه ..و قبل كل دا بايام جالى البيت و اخد التوينز بتاعت قراية الفاتحة بحجه انه عايز يلبسنى كله مرة واحده ف القاعه ونا هبله وافقت ! مجاش ف بالى للحظه واحده انه حيعمل فيا كدا

دلوقتى حبه اقول كل دا عشان ايه؟ كان ممكن ننهى بالمعروووووف من غير اذى نفسى ليااا ..كان ممكن تسترجل وتيجى تقولى يلا نفركش وكنت لغيت الخطوبه ..مش جى و بترقص وتقولى محضرلك مفاجاه .... و فى نيتك تعمل فيا كدا ...حسبى الله ونعم الوكيل

وانى ك نيهال مش زعلانه عليك اصلا انت متستاهلش لكن صعبان عليا نفسى والى حصل وانى واقفت اتخطب لواحد زيك قليل الاصل

والدنيا يابنى داين تدان و بكرة تشوف .اصل ربنا مبيسبش ...وتانى بقولهالك كنت تسترجل و نمشى بالمعروف بدل ما تعمل فيلم تعب خالك دا و تصغروا نفسكوا بالشكل دا قدام الناس كلها.. ولعملك سهلت علياااا كتير اوووى لانى مبقتش زعلانه عليك اصلا ولا فكرالك حتى حاجة وحده عدله xD استعوضت ربنا فى حقى.. وحسبى الله ونعم الوكيل تانى لا يموت الديان تشوف ده ف دنيتك و ف اختك وتبقي انت تسمع كلام امك وباعت ريكوردات واتس جدع انت كدة وانتي عملتي حاجات كتير وانه بقي رده أنه يعملي فضيحة ف القاعة"

بعض كوميك مواقع التواصل الاجتماعي التي تسخر من مصطفى ابو تورته

وتجاهل مصطفي ابو تورته كل الأخبار المتناقلة عن القصة هروبه يوم خطوبته.

وكان مصطفي أبو تورتة قد أعلن عن ارتباطه بنهال يوم 7 فبراير 2019 ، في "بوست" عبر صفحته الشخصية بمواقع التواصل الاجتماعي "فيس بوك"، كشف فيها أسرار علاقتهما، وعلقت نهال على البوست قائلة "ربنا يخليك ليا وتفصل حبيبي طول العمر".