شاهد.. "حماة" حماقي تضعه في مأزق بعد الاعتداء على فتاة بالساحل

اتهمت سيدة تدعى زينة محسن، عبر حسابها الشخصي بموقع التواصل الاجتماعي فيسبوك، حماة الفنان محمد حماقي، بالاعتداء عليها وسبها هي وعائلتها أثناء تواجدها على أحد شواطئ بالساحل الشمالي، بسبب انزعاج حماقي وزوجته من وجود أفراد يجلسون إلى قربهم.

وكتبت زينة محسن بوست عبر حسابها على فيسبوك قائلة: "إمبارح حصل معايا موقف غريب كنا رايحين أنا وأهلى gazala bay وكان معايا واحد من صحابي مالك من القرية وقاعدين على البحر واضطر هو يروح يعمل حاجات في الوقت ده لقينا ( محمد حماقي وزوجته ) قاعدين جنبنا وبعد شوية مشيوا الموقف كان عادي لحد دلوقتي.".

وتابعت زينة محسن في البوست : "بعد كدة مرة وحدة لقينا راجل أمن ومعاه اتنين أو تلاتة بيطلبوا منا نسيب الشمسية مع العلم إن كنا قاعدين تحت شمسية الزوار وفجأة لقينا ست كبيرة جاية من بيتها ما كانتش قاعدة على الbeach وبتتكلم معانا بطريقة غير لائقة وبتقلنا ما ينفعش تقعدوا هنا وبتسألنا انتو تبع مين مع العلم انه احنا اديناها اسم owner ورقم الفيلا وقعدت تقول انها من مجلس الادارة وبتقدر تمشي الزوار تبع الفلل وتقول انه كل الناس اللي قاعدة على البيتش زي سيدي بشر وحصل تفاصيل كتير تطاول وسب وحتى بعد ما تكلمت مع المالك ما فكرتش تيجي تعتذر ومشيت على طول على بيتها وفي الآخر بنكتشف انها حماة محمد حماقي ( فاطمة درة ) كانت عاوزة تفضليه البيتش مع العلم انه المكان اللي كنا فيه كان فاضي ".

واختتمت زينة البوست قائلة: "ملخص الكلام إنه مش من الطبيعي عشان في ناس قاعدة جنب مغني إن مراته يكون لها الحق تكلم مامتها عشان تيجي مخصوص ليا أنا وعائلتى تتكلم معانا عشان نمشي وده عيب اوي ومش من الذوق والاحترام . طريقة تعامل الفنانين مع الناس مرفوضة مع العلم انه الناس هي اللي خلتهم فنانين وعملتلهم قيمة".

يذكر أن محمد حماقي قد طرح مطلع العام الحالي، ألبومه الجديد "كل يوم من ده" وحقق من خلاله نجاحا كبيرا، خاصة بعد تعاونه مع العديد من الشعراء والملحنين، ومنهم أيمن بهجت قمر، وأمير طعيمة، وأخرون.