انتشرت مؤخرا العديد من الأخبار عن انتقال أحمد السيد زيزو، لاعب الزمالك الحالي، إلي النادي الأهلي، خلال فترة الإنتقالات الصيفية القادمة.
خلال بيانه.. زيزو يوضح حقيقة انتقاله للأهلي
وعلق زيزو على هذه الأخبار، عبر بيان نشره الاعب عبر حسابه الرسمي علي تطبيق انستجرام.
جاء فيه: "الحمد لله، أنا راجل بحترم كل الناس، لكن للأسف عدم ردي علي المعلومات المغلوطة، والتزامي الصمت زاد عن حده، كل ساعة خبر عن توقيع أو تجديد عقد زيزو".
وأضاف: "كل واحد بيغازل الشريحة اللي عايزها من الجمهور، بكل وضوح أنا لم أوقع لأي نادي سواء داخل أو خارج مصر، اللي حصل على توقيعي يتفضل يعلن، إذا كان كلامه صحيح".
وتابع: "كمان اللي عنده دليل على توقيعي لأي نادي برضو يتفضل يطلعه على الملأ، الناس لازم تعرف كويس، انا بقدر جدا الكيان الكبير اللي أنا بلعب فيه، ولا يمكن أنكر فضله عليا".
ووضح: "لكن فيه حاجة أنا مكنتش حابب أتكلم فيها خالص، لأنه للأسف الأمور في الإعلام كلها في إتجاه واحد، ليه محدش اتكلم عن حقوقي المشروعة زي أي لاعب في الدنيا".
وزاد: "ليه محدش اتكلم إن الناس سابتني بقالها شهور طويلة ومش عايزين يجددوا عقدي، ليه محدش اتكلم عن المستحقات المتأخرة اللي ليا بقالها كتير، ومش لاقي حد يجاوبني".
وعلق زيزو: "ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة، ولعيب الكورة مهما طول عمره قصير في الملعب".
تابعوا أخبار بلدنا اليوم على Google News
