في دفاع غير معتاد، خرج خالد أديب عن صمته للدفاع عن ابن عمه أميرة أديب، مؤكدا على أن نجاحها ليس وليد الصدفة بل نتيجة لجهودها وإبداعاتها، رفض الانتقادات الموجهة لها بسبب أغنيته الأخيرة، مشيرا إلى شعبيتها الواسعة وإنجازاتها في مجالات متعددة.
وكتب خالد أديب عبر حسابه الشخصي في موقع "إكس" قائلا: "حابب بس أقول حاجة في حق بنت عمي أميرة أديب عشان شايف كم قرف بيتقال عالبنت. أيوة. حقيقي. هي من عيلة كبيرة ودا بيديها امتيازات كثير، وأسهل عليها أنها تعمل شيفت زي دا. بس خلينا نكون واضحين. أميرة دلوقتي شعبيتها عند الجيل الصغير يلف عيلتنا كلها في سيجارة".
وأكمل خالد أديب دفاعه عن ابنة عمه كاتبًا: "أميرة متحدث رسمي باسم Maybelline اللي هي من أكبر شركات المكياچ في تاريخ البشرية، منزلة لعبة كوتشينة الافتتاح بتاعها حرفيا عمل أزمة في المولات من كم العيال اللي حضرت عشان تشوفها. البنت لسا ماعدتش الـ 25 سنة وأنا عن نفسي شايف إنه دا انجاز مبهر جدا".
واختتم حديثه: "دا غير بقى أنها ابتدت براند بتاعها، ومثلت، ودلوقتي نزلت فيديو من إخراجها، الكلام دا مش سهل، و ولا أنا ولا ابويا ولا أبوها عندهم القوة الناعمة اللي عندها من قوة وجودها على تيكتوك وشعبيتها مع الجيل الصغير، شايف بقى المزيكا وحشة، تمثيلها وحش، تمام عادي، بس كلمة حق أميرة تستحق نجاحها".
![](https://i2.wp.com/baladnaelyoum.com/images//2024/07/-1721986867-0.png)
![](https://i2.wp.com/baladnaelyoum.com/images//2024/07/-1721986892-0.jpg)