أكد الفنان رامي صبري، على تميزه عن النجم عمرو دياب، رافضًا مقارنته به، وذلك خلال تصريحات إذاعية.
وأوضح رامي صبري، أنه واجه في بداية مشواره الفني تشبيهات كثيرة بالهضبة، مما أزعجه ودفعه للتركيز على تطوير أسلوبه الخاص.
وأكمل صبري: "كنت أسمع من بعيد وأضايق من التشبيه بعمرو دياب، هو أنا فعلًا بقلده؟ هو أنا شبهه؟ يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة".
وأضاف: "فضلت طول أول خمس سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي".
وتابع صبري: "كنت بحاول أحافظ على شكل الأغنية اللي بقدمها حتى المزيكا أقول بلاش دي شبيهة لعمرو بقيت كده لدرجة إني خلاص داخل على 9 ألبوم ولسه مركز، والحمدلله أنا بغني من 18 سنة".
وأشار صبري إلى أن مسيرته الغنائية التي تمتد لـ 18 عامًا كافية لتثبت تميزه وأسلوبه الخاص، مختلفًا عن أي فنان آخر، بما في ذلك النجم عمرو دياب.
تابعوا أخبار بلدنا اليوم على Google News
