ما زالت جرائم شركة أوبر متتالية.. كشفت الفنانة الشابة أميرة هاني عن تعرضها لأزمة جديدة مع شركة أوبر للنقل، أثناء مداخلة هاتفية مع نهال طايل في برنامج "تفاصيل" علي قناة صدي البلد.
أميرة هاني مه نهال طايل
وتحدثت أميرة هاني قائلة: أنا مبشاركش حياتي الخاصة أو مشاكلي الخاصة على السوشيال ميديا، لكن الراجل ده استفزني لدرجة كبير ، لأن إحنا عندنا ست بتساعدنا في أعمال البيت، وكل أسبوع بطلب لها أوبر بيجي ياخدها مشوار 10 دقائق وبياخد 50 جنيه، وبيوصلها لحتة تقدر تركب منها مواصلات، امبارح كان يوم غريب على الابلكيشن بتاع أوبر نفسه، لكني فوجئت أنه بيكنسل الرحلات، وفي واحد قبل الراجل ده قالي أنا تحت وأنا شايفاه على الـ GPS أنه مش تحت، وكلمته قالي كلام غريب ولغى الرحلة وعمل غرامة عليا.
وأشارت أميرة هاني قائلة: «وعملت رحلة بعدها وكانت مدياني 10 دقائق ويبقى عندي، وكلمته على الشات حضرتك إحنا عند بوابة كذا، حضرتك فين؟، مردش فطلبت منه إلغاء الرحلة أنت بقالك 10 دقائق في مكانك ما بتتحركش، فهو قرر أنه يتطاول عليا ويهزقني، بعد 20 دقيقة والست واقفة».
أميرة هاني
وقالت أميرة هاني، أنها تقدمت بشكوى لشركة أوبر بعد حدوث الواقعة مساء أمس الثلاثاء، وقام أحد الموظفين بالمتابعة معها صباح اليوم الأربعاء، وطلب منها إخباره بما حدث من السائق، قائلة: «كلمني النهاردة الصبح، واحد من الشركة وقالي قوليلنا ايه اللي حصل بالظبط، فبعتله اسكرين شوت لأني مش محتاجة أحكي اللي حصل مردوش بقى».
وطالبت أميرة هاني في نهاية المداخلة التليفونية، من شركة أوبر أن تجري اختبار مخدرات للسائقين المنضمين لها، واختبار أخلاقهم أيضًا.
آخر أعمال أميرة هاني
شاركت الفنانة أميرة هاني مؤخرا في عددا من أجزاء المسلسل الكرتوني "زينة" وعرض اول اجزائه في رمضان 2021 ، واخر اجزائه في رمضان الماضي 2024، وشارك به الفنانة بشري ، سامي مغاوري ، أحمد خالد صالح ، عمرو عبدالعزيز ، محمود فارس ، وإخراج مصطفي البنا ، وتأليف حسن عبد الموجود وهاني عبدالمريد والطاهر شرقاوي.
تابعوا أخبار بلدنا اليوم على Google News
