تحدث محمد طاهر الناقد الفني ، عن فيلم "بنقدر ظروفك" للفنان أحمد الفيشاوي والمقرر طرحه في السينمات اليوم الأربعاء وغداً الخميس، كما يعرض في سينمات الإمارت والسعودية وبعض من الدول العربية الأخرى.
احمد الفيشاوي
وكشف محمد طاهر في لقائه مع الإعلامية دينا رامز علي قناة صدي البلد تفاصيل مهمه عن فيلم بنقدر ظروفك وقال: أنا بحب أحمد الفيشاوي جدًا، ولما بيعمل أدوار مكتوبة كويس زي دوره بفيلم ولاد رزق، ويعتبر أنه من أكثر الناس اللي سايبة بصمة في الفيلم، ولكن في آخر كام سنة معملش 3 أو 4 أفلام ممكن يفضلوا عايشين معانا بعد كده، بحس إنها أفلام الموسم عشان تتعرض هنا وبرة.
وأضاف:أنا آخر فيلم شوفته لـ أحمد الفيشاوي كان عادل مش عادل، منذ حوالي شهرين، ماظنش إن منتج الفيلم نفسه كان راضي عنه في العرض الخاص اللي حضرناه، بتكلم بجد، وقبله كان فيلم "السيستم"، ممكن يبقى أرحم شوية، بس أنا مش متوقع إن ده الفيلم اللي أحمد الفيشاوي ساب فيلم ولاد رزق عشانه.
وأختتم طاهر: أحمد الفيشاوي مش نجم قليل، أو حد مساعد أو دور تاني، والناس بتحبه، وأنا بحبه أكثر في فيلم ولاد رزق، وحتى بفيلم الشيخ جاكسون عام 2017.
شارك الفنان أحمد الفيشاوي مؤخرا في فيلم "رهبة" الذي عرض يوم 24 مايو الماضي ، وشارك فيه عدد من نجوم الفن أبرزهم الفنان محمود البزاوي ، ثراء جبيل ، نسرين أمين ، بيومي فؤاد ، سماء إبراهيم ، مصطفي غريب ، وإخراج رضا عبدالخالق ، سيناريو وحوار محمد علام.
تابعوا أخبار بلدنا اليوم على Google News
