خرجت جهاد ماهر، زوجة مطرب المهرجانات عصام صاصا، للدفاع عن زوجها في قضية دهس شاب بسيارته من أعلى طريق دائري المنيب.
كتبت زوجة عصام صاصا، خلال خاصية «الإستوري» على موقع تبادل الصور والفيدويوهات «إنستجرام»: « عصام مش قادر يرد من الأذي النفسي اللي هو فيه قدروا دا وافهموا هو مش قادر مفيش طاقة، معانا كل الإثباتات أن الحادثة قتل خاطئ وفي شهود للحادثة".
عصام صاصا
تابعت:«جوزي تعبان وكل ما ييجي يتكلم مع حد يفتكر الموقف ويعيط، ومش لازم بقى يطلع يقول لكم شوفوني يا جماعة أنا مكسور إزاي ومتدمر، وعيب اللي بتعملوه ده وربنا ما يحطكم في اللي هو فيه».
أضافت: «ممكن تبطلوا قرف عصام مخدش 7 سنين ومفيش حكم أصلا، بتقولوا عصام كان شارب معرفش إيه، ولحد دلوقتي نتيجة التحاليل مظهرتش وحاسة أن شوية وهتقولوا عليه إرهابي وسارق فلوس الناس، ولا علشان إحنا مش بنرد فأنتم هتسوقوا فيها، وما تقلقوش هانت وكل واحد عمل فيلم ما يزعلش والحساب يجمع».
عصام صاصا
أول رد من عصام صاصا بعد الإفراج عنه
ظهر مؤدي المهرجانات عصام صاصا، بعد الإفراج عنه، وتحدث مع جمهوره وعلق لأول مرة عن اتهامه بالقتل الخطأ لشخص أعلى دائري المنيب، وذلك من خلال خاصية الاستوري على حسابه الشخصي إنستجرام.
وعلق عصام صاصا وقال: الحمد لله على قضاء ربنا اللهم لا اعتراض ربنا يرحم الراجل إلى أنا هفضل شايل ذنبه طول عمري بس ربنا شاهد على إلى حصل ومحدش هيحس بالي أنا شوفتو وعيشتو الساعات إلى فاتت ربنا يصبر أهله ويرحمه وشكرا لكل اخواتي إللى سألو عليا وشكرا لكل الناس إللى دافعت عن عصام وعارفة أن عصام عمره ما يأذي حد بس دا قضاء ربنا.
وأضاف : أنا طبعا ليا حق الرد بس أنا فعلا تعبان جدا واللي أنا فيه مش سهل، ياريت تقدروا ده ولما أحس إني بقيت أحسن شوية، هوضح كل حاجة.
سبب القبض على عصام صاصا
كانت قد ألقت أجهزة الأمن فى الجيزة القبض على مغني المهرجانات عصام صاصا بتهمة القتل الخطأ لأحد الأشخاص أعلي دائري المنيب بالقرب من دائرة قسم الطالبية.
على الفور انتقلت قوة أمنية لفحص البلاغ وكشف ملابسات الواقعه ، وتبين من مصرع شخص يدعي أحمد مفتاح 40 عاما ، وتم نقل الجثة إلى مشرحة المستشفى كما تم تحرير المحضر اللازم بالحادث وإسناد التحقيقات لجهات التحقيق المختصة.
وأوضح شقيق صاصا في إحدى التصريحات وقال: عصام صاصا خصص لأسرة المتوفي مرتب شهري ومعاش كمان و قدم لهم خالص التعازي والمواساة.
تابعوا أخبار بلدنا اليوم على Google News
