دافع مطرب المهرجانات الشهير بـ "عنبة" عن الفنان عصام صاصا، بعد أزمته الأخيرة واتهامه في حادث دهس في أعلى الطريق الدائري.
وخرج عنبة عن صمته ليدافع عن عصام صاصا، عبر خاصية الاستوري في حسابه الشخصي على موقع الصور والفيديوهات الشهير "إنستجرام"، وقال: "أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصربكم، أنا حاسس بيكم أنا بنت عمي توفت من 4 سنين أو أكتر وهي في زهرة شبابها على طريق وهي بتعدي العربية خبطتها وجريت محدش وقف".
وأكمل عنبة حديثه: "أنا متأكد أن فلوس الدنيا لا تعوض الابن، أنا لا ألومكم في شيء، ربنا يصبركم موقف صعب للطرفين، هنا إنتوا متدمرين نفسيا وهو متدمر نفسيا، اللي عايز أقوله هو مش بيخبط أي حد ولا بيدوس على الناس بفلوسه، بلاش حد يفهمكم حاجة عن الراجل اللي إنتوا مش شايفين حالته بسبب الحادث ده إيه".
وأنهى عنبة حديثه بالدعاء: "الله يرحم الشخص اللي مات أنا طالع أقول للناس بس، الناس على النت مهتمه باللي عمل الحادثة وعمالين يدبوا فيه ومحدش مهتم حتى يدعي للراجل ده اسمه استغلال وترند أبوس إيديكم يا تعزوا الناس يا تخرسوا".
تابعوا أخبار بلدنا اليوم على Google News
