حكى جمال مفتاح، شقيق الشخص الذي تم اتهام مؤدي المهرجانات عصام صاصا بدهسه أعلى طريق دائري المنيب، تفاصيل عن الحادث، والحالة التي كان عليها جثمان شقيقه قائلًا: "أخويا كان ماشي لشغله الصبح، وواقف مستني الباص اللي بيركب فيه ويروح الشغل، جه شاب متهور مسح بيه الأسفلت".
وأضاف "مفتاح" في مداخلة هاتفية ببرنامج "حضرة المواطن" الذي يقدمه الإعلامي سيد علي والمذاع على شاشة "الحدث اليوم": "زنقه في الرصيف في الجنب اليمين، وأنا بغسّل أخويا مفيش فيه حتة سليمة، والإعلام بيقول كان بيعدّي الدائري، أخويا كان واقف في مكانه مستنّي الباص"، متابعًا: "أنا كنت مسافر ورجعت من السعودية من 3 أيام، وكان معادي أقابله وهو رايح الشغل".
وأردف شقيق الضحية: "بيقولوا السرعة كانت 70 أو 80، وأنا سواق نقل تقيل، لو سرعته 70 أو 80 دي عربية حديثة فيها فرامل هتقف، ومستحيل تكون دي السرعة"، مسترسلًا: "الوضع صعب، وأخويا ده الكبير وعنده 4 أطفال، وكان يعول غيرهم 4 أيتام".
وأعرب "مفتاح" عن ثقته في القضاء المصري قائلًا: "أنا واثق إن شاء الله في قضائنا المصري هيجيب حق أخويا، لأنه أغلب خلق الله".
تابعوا أخبار بلدنا اليوم على Google News
