بعد فيلم تراب الماس.. ماجد الكدواني يلجأ إلى طبيب نفسي بعد تغيير سلوكه الشخصية

قال الفنان ماجد الكدواني، إنه تأثر من شخصية تراب الماس،  وذلك خلال لقائه في بودكاست 'بيج تايم' مع الإعلامي عمرو أديب، موضحاً إن مراتي وابني  قالولي أنت مش أنت ولازم تروح لطبيب نفسي بعد تغيير سلوكه الشخصية.

معاناة ماجد الكدواني من شخصية تراب الماس

وأضاف ماجد الكدواني: "مروان حامد نفسه قال لي أنت مش ماجد اللي أعرفه ولازم تروح لطبيب نفسي، فعلا أنا كنت اتغيرت بعد لما حبيت الشخصية في فيلم تراب الماس ولبستني وتمكنت مني وغذت جوايا حاجات بتغير الإنسان ومروان حامد قال لي عن الشخصية دي الموت على المحرمة إنه كل إنسان فينا جواه حتة عايز يعمل كل اللي نفس فيه من غير حساب ولا تأنيب ضمير ولا جلد ذات ولا خوف من عقاب ولا لوم ولا حسابات لقيم".

وواصل ماجد الكدواني: "أنا كنت واصل لمرحلة غضب مريع وأشوط حاجات برجلي وطاقة غريبة جوايا، فلما روحت للدكتور قال لي إذا كان فيه شخصية دخلتك وحبيتها بتفضل في العقل الباطن عندك، وأخدت كورس لطيف وابتديت أهدى من غير أدوية خالص، وبعدها بفترة حصل موقف غضبت غضب انفجاري بسبب حالة خاصة جدا في البيت حاجة ضاعت مني ومش لاقيها قلبت معايا بهستيريا مراتي وقتها قالتلي كلم الدكتور بقى أسأله إيه اللي بيحصل فقال لي الشخصية تحول لملف مقفول ممكن يتفتح وطمنهم في البيت وقال لهم عندي شخصية وليد سلطان اللي في فيلم الماس ساعة يروح وساعة يجي".