وجه أحمد حسن كابتن منتخب مصر السابق، رسالة مهمة وقوية للاعبي منتخب مصر قبل انطلاق بطولة كأس الأمم الإفريقية كوت ديفوار 2023 التي ستنطلق يوم 13 يناير الجاري.
وكشف أحمد حسن خلال لقائه مع موقع الكاف: "يعني أنا لو أنا شايف لاعبية المنتخب قدامي دلوقتي بوجهلهم رسالة أكيد إن تيشيرت المنتخب ده قيمته كبيرة جدا جدا، إنك تطلع على منصة التتويج اعتقد إنه إنت بتحط نفسك في مصاف مختلف تماما وده يمكن إحنا حسناه، والجيل ده مكنش عنده حظ ووصل الفاينال مرتين ومقدرش يحقق البطولة، إنما هم قادرين ينافس وينافس بقوة ويحقق البطولة، لأني أنا دايما بقول فيه دايما منتخبات قوية ولكن مش متمرسة.
وأضاف أحمد حسن: منتخب مصر من المنتخبات المتمرسة في البطولات الإفريقية، ويعني بيعرف إزاى يوصل ولو هو مش في أفضل حالاته فدي جزئية لازم نستغلها واللاعبية لازم تستغلها بشكل كويس وفي مجموعة لاعبية جيدة وأداء المنتخب اعتقد بيتحسن بشكل افضل والروح العالية دي أهم حاجة، لأن أوقات الروح العالية والعزيمة بتاعتهم بتعوض فنيات كتير جدا جدا في الملعب وده شوفنا لما اللاعبية بتركز بشكل كبير وبتلعب بروح عالية شوفنا أد ايه بيفرق معاهم بشكل كبير، وده بميز دايما منتخب مصر، فأنا أتمنى كل واحد رايح البطولة دي يبقى هدف الهدف فردي والهدف جماعي، إحنا نحقق البطولة وأنا أعتقد إن شاء الله بإذن الله إن هم قادرين يعملوا ده غير كده اعتقد المهمة هتبقى صعبة، ودايما كان ليا مقولة للاعبية كنت بقولهم لما بنوصل نهائي أو خلاص بندخل على البطولة بقولهم التاني زي الـ16، وطالما وصلت فاينال لازم تحقق البطولة .
تابعوا أخبار بلدنا اليوم على Google News
