وجه لاعب الأهلي إمام عاشور، عقب الفوز الساحق لفريقه بمباراة نهائي كأس السوبر، ضد نظيره فيوتشر، رسالة للحاقدين عليه، اللذين يشنوا ضده الأقاويل السلبية، مشيدًا بانجازاته مع الأهلي.
وقال عاشور بتصريحاته :" عندي رسالة للشماتين.. عايزكوا تهدوا شوية عشان متتعبوش، وفي واحد بعينه كدا أكيد كلكوا عارفينه هجاص، عايز أقوله أنا واخد بطولة النهاردة وتالت العالم، ولولا أنا في الأهلي وفيه سيستم كنت رديت عليه".
ويذكر أن خالد الغندور قد هاجم اللاعب قائلًا:" هو عمل إيه يا جماعة!؟، دا مجبش جول مارادوني ولا رقص الفرقة كلها مثلاً، بس الناس قالت لعيب ومنقذ وعالمي، هو كويس بس مش رهيب يعني وفظيع".
وتابع: "براحة شوية، إمام عاشور لاعب كويس، بس مش لاعب عالمي، لسه بدري عليه، ودور على العقلية".
وحصد الفريق الأول لكرة القدم بالنادي الأهلي، بطولة كأس السوبر، بعد الفوز على مودرن فيوتشر برباعية مقابل هدفين، على ملعب محمد بن زايد بإمارة أبو ظبي بدولة الإمارات العربية المتحدة.
وواصل الأهلي تصدره لقائمة الأبطال التاريخيين لبطولة كأس السوبر المصري، بوصوله للقب الرابع عشر خلال 18 نهائي منها 17 متتالي خاضه الفريق منذ نسخة عام 2003 / 2004 أمام الزمالك، وحتى نهائي اليوم أمام مودرن فيوتشر في أبو ظبي.
تابعوا أخبار بلدنا اليوم على Google News
